أيـــــا فاروق العدل ...منا سلام

ايافاروق العدل .... منا السلام 
-----------------------
أيا درب عدل و يا قدوتي
من الله في كل حين عليك سلام
و علي خير خلف و سلف وقدوة
ذكرناهم مادام لذكر الخير مقام 
يانجم عدل اتعب من كان بعده
اميرا و وزيرا و خير إمام 
و ما كانت حيرة سفير روم 
من عدله بل من مثله بين انام 
فلا عجب لمن كان العدل حكمه 
في ظل شجيرة بالفلاة ينام 
وان سأل الرعية عن عدله 
فلاعدل الان بارض يمن 
و لا بارض الشام
فقد مات الفاروق و معه عدله 
و ترك المظلوم بلا عمر يضام 
فيا اية الله في عدله 
ليت لنا مثلك اليوم لزام 
دونك عثرت كل دواب الارض 
فماهم وليهاطريق و لا هم خطام 
و استعبد الناس و هم احرارها 
فاحتكر بني الاكرمين فضل مقام 
عليك سلام الله في كل دعاءنا 
يا من تهلل بايمانك الاسلام 
و من الله علي اولائك لعنة 
من نال منك لسانه بأثام 
و قاع الجحيم باذن الله مسكن 
لمجوسي الشر ذو طعنة الايلام 
سلام الله اباحفص في قلوبنا 
يامن كنت للعدل علم من الاعلام 
حكمت فعدلت فارقد هانئا 
من الله عليك في كل حين سلام

د.احمد مختار ابودهب 
ذو الحجة 143610

لقاء مع بطل .... لواء ا.ح. على عثمان بلتك

لقاء مع بطل ....لأول مـــرة

مارس 2000 - جامعة سوهاج 
تعلن اسرة ......عن لقاء مع اللواء على عثمان بلتك ....احد ابطال الصاعقة ....ابن سوهاج .....احد ابطال عملية ايلات !!!!
كاد عقلى يطير فرحا ...... سأرى احد الابطال .....و لاول مرة فى حياتى .....ظللت اياما لا استطيع النوم بسهولة من كثرة التفكير فى هذا اللقاء .....كنت اذاكر التاريخ -تبعا لما كان متاح وقتها من مصادر - استعدادا لهذا اليوم المشهود
و جاء يوم اللقاء .......كان فى نفس اليوم و قبل لقاء البطل بساعات و فى نفس القاعة الزجاجية بالجامعة , لقاءا مع ممثلين لمسلسل شهير وقتها .....لم اعر لقاءهم اى اهتمام ....رغم وجودى و اهتمامى بمثله قبلها بعدة اسابيع !!!!
دارت عجلة اللقاء سريعة و مبهرة .....ها انا اسمع و اشاهد احد الابطال امام عينى .....و اى بطل ....انه احد رجال الصاعقة .....سلاحى الحبيب منذ الصغر .....حيث كنت اجمع قصصهم و بطولاتهم من اوراق الجرائد !!!!
هرعت الى المنصة قبيل انتهاء اللقاء .....التقطت لى اوووول صورة مع بطل ....للاسف لم احصل عليها فيما بعد لسبب مـــا ..... !!!!!

انتهى اللقاء .......بعدما سجلته على ثلاثة اشرطة كاست , لا زلت احتفظ بها حتى الان ...... جموع غفيرة تريد مصافحة البطل اثناء خروجه من القاعة .....و انا قطرة ماء بين تلك الامواج ....لكنى سأصل اليه .....و اوصل له رسالتى فى حب الصاعقة رغم كونى طالب طب !!!!
شققت الصفوف ......وقفت امامه مرتديا زيا انتقيته بعناية .....يشبه ازياء القوات الخاصة السوداء بشكل كبير ....... اديت التحية العسكرية بقوة , و قولت له:
- تمااام يا فندم ....انا مقاتل صاعقة يرتدى البالطو الابيض
ابتسم ابتسامة حانية ....... اخذنى من يدى .... الى مكان اكثر اضاءة , امسك اوتوجرافى .... و كتب لى فيه :
مع ارق تمنياتى بالنجاح و التوفيق ..... على عثمان .
__________________________________________________
رحمه الله رحمة واسعة ......كان هذا اول لقائى بالابطال

ريم الفلا ...... قصة من ايام حياتى

"ريم الفلا ......قصة من ايام حياتي"

- ربيع 2008

- حالة سونار طوارئ....حادثة !!!
انهيت حالة الاشعة بالصبغة التي كنت اعملها سريعا حتي اكشف علي هذه الحالة .....دخلت غرفة السونار .... وجدتها ذات وجها ملائكيا ..... سالت عن سبب اصابتها ، حادث سيارة و لقد انسكب ماء الراداتير الساخن علي جسدها الصغير و سبب حروقا علي مساحة واسعة !!!!
- الف سلامة يا عسل ..... لم تجب ...لم تكن في كامل تركيزها ربما من الالم و الخوف .....و لكن عرفت منها ان اسمها "ريم " .... اسم علي مسمي ، ابنة عشرة عقود ...اقل او اكثر قليلا .
لفت نظري تلك السيدة الشابة المصدومة التي تبكي في لوعة و زهول .....
- انتي والدتها ؟
اجابت بالايجاب ....وعرفت ان "ريم" ليست المصابة الوحيدة .... فشقيقتيها الكبري "رحاب" و الصغري "رويدا" مصابتين ايضا و لا تزالان في،مسنشفي البلينا المركزي !!
مزق قلبي كلاهما .....و خاصة تلك الملاك الصغير
لا ادري لماذا ذهبت لاطمئن عليها في عناية قسم جراحة التجميل و الحروق

- عاوزة خوخ !!!

نطقت كلماتها بوهن و عدم تركيز ....مزق قلبي اكثر عدم وجوده في هذه الايام

- اين والدها ؟ عرفت انه في الكويت ....و اسمه "حسين" ...تمنيت ان يأتي سريعا ، و قد اتي و اكتمل شمل الاسرة في عناية قسم جراحة التجميل الاب والام و الابناء المصابين الثلاثة !!!

و مرت الايام ....و اصبحت اشعر اني واحد من الاسرة ....العم او الخال ....بل كلاهما

صباح مساء ازور " ريم الفلا " كما كان يسميها ابوها ..... سميتها "قطتي" ..... كانت تنادي علي و تستنجد بي كلما جاء علاجها او غيار جروحها ....و سميت "رويده" الصغيرة "زئردة" ....... قاست ريم خلال شهرين اقامتها بالمستشفي عدة عمليات تبرع فيها والدها لها بالجلد ....لكنها فشلت .....و جاء يوم الرحيل .....لاحظت تدهور وعيها عدي من نظرات باسمة للسماء و كانها تري فاكهة و طيور الجنة ..... سمعت صراخ "حسين" فاستراحة الاطباء اعلي قسم التجميل مباشرة .....لم استطع ان انزل .... فلقد علمت ان "ريم " همت بالرحيل !!

رحلت ريم و تركت في قلبي صورة وجهها الملائكي و ابتسامتها البريئة .....و اكسبتني تجربتها صداقة و اخوة ابيها الي الان .... الذي رزقه الله بابنة بعدها سماها ريم ايضا !!!

و قريبا باذن الله... سأزورهم ...و أزورها ... ساحضر فرح شقيقتها الكبري "رحاب" ....و سانتظر ايضا باذن الله زفاف روفيدا و احمد و ريم الصغيرة....و اعرف ان روح ريم الفلا ستكون معنا تراقبنا .....و تضحك و كانها تقول لي .....فاكر ...."قطتي" !!!؟

حسين ابورحاب

http://reemfala2008.ahlamontada.com/t2-topic

قصيدتي ......وجه القمر

في رثاء ريم الفلا رحمها الله

لمحات ..من حياة طبيب "1"

السبت 31 اكتوبر - 11.30 ظ

ليس بينى و بينها اي سابق معرفة سوى هذه الدقائق ..... لا اتذكر اسمها ......شابة ...27 سنة ..... دوبلر على الساق اليمنى للمتابعة بعد عملية استئصال جلطة من الشرايين ...... نفسها يعلو و يهبط كانه يسابق الزمن ....... نظراتها تائه...مودعه ........
- هاموت يا دكتور !!!!
- الف سلامة ليكى ....خلاص قربنا نخلص . 
.......همست فى اذن زميلى و اخى الاكبر د. ياسر بصوت ربما لم يسمعه هو و بحزن .....
- الحالة دى شكلها بتموت .....!!!! تأكد الشعور لدى لا اعرف لماذا ......تركت مكانى لزميلى و اخى الاكبر د. عبدالرحمن ..... رغبة فى كفاءة اكبر فقد شعرت ببعض من عدم التركيز مع هذا الشعور ....و صراعا مع الزمن الذى دوما لا يكون فى صالحنا
شعرت ان ملك الموت يقف فوق رؤسنا ...... و يتطلع الينا ...... قد يقبضها الان من بيننا ...... انتهى فحص الدوبلر قبل انت تنتهى حياتها حسبا كنت اخشى .....او ربما حياة واحد منا .....فلا احد يعلم لمن كان يتطلع ذلك المأمور بلحظة الاجل ...... سألت نفسى ....ما هو شعور من يمـــوت !!!!؟ احسست بان شعورها و المها قد تسرب الى !!!!!
تنفست الصعداء ما ان انتهي الفحص , و نقلوها لعمل مقطعية على الشرايين الرؤية ..... لكن بقي شعورى هذا ملازمنى ...... لقد رمقنا بنظرة "الى لقـــاء" .... و خرج خلفها ......او معها !!!!!

انتهى يوم العمل .......هممت بالانصراف ........انهم يصلون العصر فى المسجد ....
-- ..ياخى صلى ما تبقاش كسلى عن صلاة الجماعة المسجد اهه و انت راكن العربية جنبه !!! هكذا دعتنى نفسي ......
صليت العصر .............. و ما ان انتهت الصلاة الا و الامام يدعو لصلاة الجنازة .....و المتوفاة انثى ...... عصر قلبى هاتفا انه هى ....لكن لم اجد من يجيبنى !!!! صليت ,.....و انصرفت ...و انا اشعر انها هى

واليوم ...... ما انت قابلت زميلى د. مصطفى - جراح الاوعية الذى كان مع الحالة يوم الفحص ....عرفت انها فعلا كانت هى ......لقد اجريت لها فحصى الطبى مع الظهر .....و صليت عليها الجنازة بعد العصر ...... لقد كان فعلا فوق رؤسنا ينتظرها ......و لا احد يدرى دومـــا ....من التـــــالى !!!!

قــــصـــة قصـــــيرة ......و متكـــــررة ......من حيــــــاة طبيب !!!!

مطـــــلـــــوب وطـــــــــن

"مطلوب وطــــن .....!!!!"

حلمى اللى نفسي اشوفه 

و بادور عليه  

طول الزمن  

مطلـــــوب وطـــــــــن  !!!

مش مجرد ضل حيطه  

أو سكـــــــن 

مش مجرد  عنوان جواب 

ستر و حجاب  

من برد الشتــــــا 

او غدر المحـــــن 

مطلوب وطن  

شعبه يكون شعب صاحى 

شايل شعار ...عملى كفاحى  

مش اكتره .... تنابل  

او حكاى بنميمة   

...او رماى قنابل 

يزقوه  العـــدا يتزق  

و يقول  فى جهادى بقاتل  !!!؟

ما تعرف فى راسه مخ 

و لا  تراب  مزابل  !!! 

مش موظف كل شغلته  

قعـــــدته  ...بطالة  خفية  

وراها كم تنبل ...او كام هفية 

حكمتهم " تشتغل ....تغلط "  

شوفتو قد ايه  احنا 

خيبتنا  قــــوية  !!!!؟

مطلوب  كمان  

عضو صاحى فــ  برلمان  

هدفه يخدم ...يشرع  

مش بس تصويره 

او فى شغل الفساد ...مفرع 

قـــــاعد و ناسى  

ان اللى اختاروه  ..اختاروا نايبهم 

مش مختارين رصــة كراسى  

و حتى السياسى 

و الدبلوماسى  

شغله لاولاد وطنه  

لازم يكون ..هو الاساسى  

طب فين الاقى زى دول  

فيك  يا  وطن  !!!؟

مطلوب وطـــــــن  

فيه الوزير  ....مسؤل كبير 

يعنى عارف قد ايه  ..المسؤلية  

يعنى شياله  ايديه ...حمولنا القوية 

يعنى عارف يدى حق المحتاجين  

و يحاسب  كل الغلطانين  

و يضرب بكرباج من حديد

على ضهر كل المرتشين 

مش يكون  نايــــــم 

او على وش الفتة ...عـــايـــم 

تركته محسوبه فـــ كل  الغنــايم   

او مستنى فى القسمه نصيبه 

و ضامن ان سيف العدالة  

مش ممكن يصيبه  

ده برضه اسمه ...معالى الوزير  !!!

مطلوب وطـــــــــن  

تكون فيه  الـــــعــــــــدالة  

شرارة امل  ...او حضن دافى  

مش حمل ناقلاه  السنين  

على ضهر  اللى  بعدى 

من فــــوق كتافــــــى 

فيه  الميزان  ...ميزان عدل 

و الحكم  ناجز ..... وافى  

و حلال عليهم كل ما ياخدوه 

و  كــــــــــــــــــافى  

بس الاقى منهم .... حق ضايع 

مش يصرف المظلوم عالمحاميين 

قوت عياله  

او يكون لبيته بايع  

و فى الاخر  تبقى الامور

هـــى  هــــى  

ما هى كده كده 

فى حبالها  الطويلة  

 ضايعه القضية 

شوفتو  تانى قد ايه  

الخيبة  قــــــــــــوية !!!!؟

مطلوب  وطن  

الطب  فيه  ...

العلم ليه هو الاساس 

فيه الضمير  

... قدوة و نبراس  

و الدوا  للكل بيتعطى بلاش

مش لفة و دوخة  للغلبان  

ده  ان  عـــــــــــــاش 

او ما لقيش مكان له

فى الانعـــــــــــاش 

و للى معاه الفلوس ...

يحسب له ميزانية

تاكل من اللى فى جيبه  

لا تقول اكسبريس ..و لا قشاش !!

مطلوب وطن 

المستشفي الحكومي فيه 

ملاك الرحمه....منـــور 

مش يادوب مبنى مكسر

فيه الغلابة عالولاد...تتحسر 

 يكون الطبيب

فيـــه لاقى حقـــــه  

مش ضارب طناش لاجل العياده  

او كاتم  و   ساكت 

و حاطط جزمه فى بقه  

مش قادر يقول ادونى ..حتى شوية  

ده انا برضه بيقولوا متعلم   

و برضه  مش محسوب 

 ضمن خطتكم العفية !!!؟

مطلوب  وطــــــن 

التعليم فيه  ...حصن  الزمن 

و المعلم كده بشموخه 

صقـــر  حارس  

مش مكسوره عينه  

بدرس  خاص  

او  بوزارة  كوارث  !!!

مرتبه  يكفيه  و يساوى دوره

و كرامته تتصان  

و لا كرامة  ابو الفوارس 

و منهاهج تعليمنا  دى

...خفوها شويه 

خلوها على قد العقول  

و الايد  الطرية 

تكون فيه المدرسة

هى بيت القصيد و البداية  

لكل تقدم  ...و اصل الحكاية 

و لا بحث علمى غااايب

فى كل صفحات الرواية

ما تخلوها تخدم وطننا

مش دوخة لولادنا  

و للاباء  ..... وقعة  ردية  

نقول كمان  ....و لا حسيتو 

قد ايه  الخيبة  قوية  !!!!؟

مطلوب وطــــــــــــــــــــــــن 

يكون فيه  الــمـــحافظ  

واعــي....و فاهـــــم

مش موظف  حـــــافظ 

همه تحصيل  السوم  

و تقليب المحافظ  

او تلطيع يفط التهانى

و صور  الدعاية  عالفاضي

للــــقاءات تـــفـــخيم الملافظ  

تشوفه فى مكتبه 

فخامة  ملك 

و قدام الكاميرات ....

في الزهد  قال يعنى شيخ .... و واعظ !!!

مطلوب وطـــــن 

فيه اى روح .....الانســــــان 

لا يقــــدر بأى تــــمــــن 

فيه المخطوف  ..و التايه  

اكبر  قضـــــيـــة 

اهم  من  غيــــاب  سكر التموين  

او زيــــت  القلـــــية  

و يكون القانون للحق حامى  

و سلاح فى يد كل شرطى  

قلبه  حـــــــــــــــامى  

مش اخرة المتمة  ....قضية فشنك 

على يد  اتفه محــــامى 

و ترجع  لعادتها القديمة  

ريمة  ..... العن من جديد 

ما حقها لما ما لقيت  ضدها  

قــــبــــــضة  حــــــديـــــــد 

مطـــــلوب وطــــــــن 

يخلى اول اهتمامه  

اى غلبان  

يكون  فيه  الحد الادنى  كافى 

مش ناس تاخد ملاليم 

و نقول لهم ما بلاش بطر

اصل ميزنيتنا اليوم 

حالها فـــ  خطر

و ده مال وقـــــف

بينما الحد  الاقصى

مـــــا له سقف  

هوجه  و موجه  

للحيتان  و للغيلان 

مطـــلوب وطــــــن 

يكون المعاش فيه  

شـــــافى و وافــــــى  

مش بنقول يكون مبلغ خرافى  

بس يكفى المقدس حنا 

عشان يعلم ماجد

و يقضى الحاج  يحيي

عشان يجوز محمد  

و الكل يفرح  يومها

مع  فرحة ايمــــان  !!!

مطلوب وطــــــــــن 

يكون فيه المقـــاول

شغله بذمه و ضمير 

مش شغل اوفسايد...و فاول

يرصف طريقى

 فتبقى اسوء مـــ الاول

مكســـــرة ...و كانها اترصفت 

بضرب المعـــــــــــــاول  !!! 

مطلوب وطـــــــن  

تكون  الادب و الاخلاق فيه  

زى اخلاق زمــــان  

يبقى التزامنا اكتر 

من اهل اليابان  

تبقى الرجولة فينا  

و لا اشجع الفرســـان

مش شبــاب صايص  

 ببنطلونه الساقط 

و كلامه مايص  

ما تسترجــــل شوية يا توتو

هو الوطن 

غير باللى زيك لايص !!؟

فيه ايه اكتر من ده خيبة قوية  !!!؟

مطلـــوب وطــــن 

اعلامنا  فيه زى المنابر  

يكون فيه صوت الحق 

زى صوت الدبابات 

فوق المعـــابر  

مش رغـــى عـــابر

او قنوات مأجــورين  

فى الباطـــــل  تكــــابر 

مطلوب وطــــــن 

تكون العدالة  فيه  

حقــــــــــــــانية  

مش كفة مايلة لشوية  

و عالبـــاقى رزية

يكون الكفاءة و العلم فيه

هم المؤشر ... 

مش شغل فى وسية 

و شباب مسافر 

او كفاءات تهاجر  

عايشين ...او ماتو فى الغربة 

ما هو اصله هنا و هناك 

شغـــال .....يعافر 

ما هو اصله مالقيش الوطن

يكون المرتب فيه 

مش اقله اساسي  

و اغلبه بدلات  

تخلى  اللى تحت فـــوق 

اوتخلى اللى عايش بيه... مات !!!

مطلوب وطـــــــن 

كل اللى فيه شغالين 

و شقيانين 

سواءا اللى قاعد فى مكتب

او اللى تحت شمسها 

بلهيبها عرقانين 

تعود فيه نخيلنا طويلة 

و ترجع لنا 

زراعة طويل التيلة 

و زيتون  و  تين 

و كفايانا بقى .... هباب  و نيـــله  !!!!  

 الكل ياخد حقه  

و ما يكون بيننا خاين  

و الكل  على بلده  أميــــن 

عرفتو قصدى  ايه

من  "مطلوب وطـــن"  

مش برضه  ان الاوان   

يلا بينا....  كلنا معــــا 

نحــــاول نخلى  وطننا يبقى 

هذا الوطــــن 

وإلا على وطننا السلام  

و ادور لى فى غيره 

عن دوا لهمى 

عن باقي حلمى .... 

هادور في غيره عالمطلوب 

سابحث لى بعيدا عنه 

....عن هذا الوطن !!!!! 

د. احمد مختار حامد  ابودهب 

5 يناير  2017